МВР веќе има осомничени лица за дојавите на бомбите во скопските училишта. Ова го потврди и вечерва министертот Спасовски. Во интервју за Канал 5 вели дека истрагата е при крај, се чекаат потврди на одредени факти и важни детали. Спасовски за чинот потврди дека е терористички акт и чекаат насоки од Обвинителството, а според него, сторителите треба најстрого да се казнат.
И денеска попладнето беа евакуиарни ученици од осум скопски училишта поради нови дојави за поставени бомби. За прв пат пристигнала и дојава за поставена бомба во основните училишта “Петар поп Арсов” во населбата Карпош и ОУ „Кочо Рацин“ во општина Центар.
Доцна попладнево заврши и проверката од специјалните полициски единици, и утврдено е дека сите дојави за бомби и овојпат се лажни.