Министерот Оливер Спасовски тврди дека сите кои направиле прекршоци без разлика дали се министри, директори, обични граѓани или новинари треба да одговараат. Но за фотографијата на која се гледа Ауди А6 пред ограбената фабрика за марихуана, автомобилот со кој синот на заменик министерот Назим Буши бегал со флешери пред полициски патрола, вели шпекулирате.
Во април, магацинот на фирмата во стечај „5 Леттерс“ беше ограбен, а од него беа однесени 108 шишиња со масло од канабис вредни меѓу 2 и 5 милиони евра во завиосност од начинот на продажба. Уште од тогаш прашањата зошто дента на грабежот аудито било таму и дали возачот и евентуалните совозачи на скапата лимузина се испрашани во истрагата за милионската кражба се неодговорени. Според Спасовски,шпекулациите ќе бидат побиени со факти и и тврди дека априлската кражба на масло од канабис завршила со осудителна пресуда.
После тврдењето за пресуда во случајот со кражба на масло од канабис, прашавме во обвинителството за случајот.
Обвинителството ги проверува своите пресуди и порачаа дека многу бргу ќе добиеме одговор. Од МВР пак до подготвување на прилогот не стигна соопштението од МВР кое Спасовски го најави за денеска.
Миомир Серафиновиќ