На плодните ниви, каде што беше планиран Карго аеродромот во Овче Поле, сепак ќе се гради најголемата фотоволтаична централа во земјава и на Балканот. Францускиот амабасадор при посетата на Штип најави дека техничките подготовки за старт на изградбата од страна на францускиот инвеститор „Акио“ се при крај. З
Земјоделците од светиниколските села Мустафино и Ерџелија реагираа и протестираа против изградбата на ова централа, за којашто велат дека ќе се постави на најплодното земјиште во Овчеполието. Побараа да се промени локацијата на околните ридови.
„Не можам да бидам многу прецизен, но можам да кажам дека сите подготовки на технички план се при крај. Но, сега основниот предизвик е носењето на специјален Закон за оваа стратешка инвестиција, којашто го подготвува Владата, а потоа треба да го изгласа Собранието, а којшто ќе ги предвиди сите оние поволности, коишто следат врз база на оваа стратетшка инвестиција и по донесувањето на Законот брзо ќе се потпише и договорот. Се надевам дека тоа ќе се случи многу брзо“, изјави францускиот амбасадор во земјава, Бомгартнер.