Иако траеше релативно кратко, дождот и ветерот на одредени места во Скопје предизвикаа материјална штета несразмерна со интензитетот на невремето.
Во населбата Карпош 4, на пешачката патека има повеќе откорнати гранки од дрвата, но без информации за повредени пешаци.
Неколку скопски општини објавија и од ветерот паднале и лимени покриви на некои згради кои паднале и оштетиле автомобили.
Општина Центар информираше и дека лим од покрив паднал на улицата „црвена вода“, кој оштетил возила кои биле паркирани во близина на зградата а истовремено имаат и информации за паднати дрвја на неколку места во општината.
Како што претходно информиравме, Центарот за управување со кризи соопшти дека силно невреме имало и во Пелагонија, Велес, Градско и кај Росоман.
Метеролошката станица кај радарскиот центар Тополчани регистрирала ветер кој се движел со брзина од 150 км на час.
Било запалено и сено и урнати бандери во село Каласлари.