Невреме со грмотевици и поројни дождови попладнево пред 17 часот е регистрирано во Пелагонија, Велес, Градско и кај Росоман.
Силната нестабилност е проследена со интензивен пороен дожд и електрични празнења, како и силен ветер, информираат од ЦУК.
Во Пелагонија попладнево имало и врнежи од град. На метеоролошката станица во Радарскиот центар Тополчани е регистриран удар на ветер од 150 км/час.
РЦУК – Велес известува дека на подрачјето на Велес на ден 20.08.2022г во 16.50ч од страна на пожарникарската служба во Велес биле известени дека во с.Каласлари имало запалено сено и паднати бандери.
ЦУК го известил СВР Велес за бандерите, а полицијата веќе била запознаена со случајот,а од страна на пожарната сеното ќе биде изгасено и оставено на сопственикот да го надгледува.