По германската репоратажа, Еврејската заедница на Македонија проверува дали Бугарскиот клуб Иван Михајлов е сместен во куќа на депортирани Евреи. Почнува процедура во битолскиот катастар за потеклото на имотот. Одговорот го очекуваат најдоцна за 10 дена.
Во репортажата, гермаската новинарка го прашува директорот на клубот Ѓоргиевски, „Зарем не е бесчувствително културниот центар да му се посвети на човек кој соработувал со нацистите?“, тој и`одговара дека соработката не е докажана. Но, оваа негова реченица оди со појаснување од германскиот медиум дека историчарите не се согласуваат со ваквата теза. На информациите објавени во репортажата реагираше претседателот на Еврејската заедница во Македонија, Пепо Леви, кој за Телма вели, обврска на Владата е да спречи отворање објекти со имиња на докажани соработници на нацистите.