Избрзана, конфузна и несреќна. Ова се оценките на претсавниците на култруната сцена за изјавата на минситерката за култура Бисера Костадиновска – Стојчевска која вчера по бурните реакции се обиде да се дообјасни и делумно ретерираше од првичниот став кој беше да се твори во духот на она што ќе го орасположи народот и публиката а историјата да не биде затвор.
Режисерот Вардан Тозија ја оцени изјавата на министерката Костадиновска – Стојчевска како избрзана и вели дека нема потреба да се крева паника околу слободата на уметничкиот израз во Македонија за која смета дека се користи и злоупотребува во дневнополитички цели во минатото и денес.
Режисерот Даријан Пејовски ја оцени изјавата како несреќна. За него поголем проблем е шшто се кратат парите за филм кога македонскиот филм има успеси на мешународната сцена како и честите смени на министерите за култура што директно влијае врз независната културна сцена.
Тозија вели дека не може да сфати кои би биле евентуалните полтички импликации во иднина а кои би произлегле од слободата на говорот и креативното изразување.
Од Владата стојат зад министерката Костадиновска-Стојчевска и додаваат дека нути таа ниту Владата би ограничувале или цензурирале изразување и слободна мисла. Оттаму додаваат дека во Протоколот нема дел кој се однесува на уметничкото изрезување и негово евентуално ограничување.
Министерката вчера имаше изјава во која појасни дека воопшто не станува збор за цензура. Намерата на изјавата апсолутно не е да се насочува или ограничува, напротив, интенцијата секогаш била и ќе биде поддршка на слободната мисла и изразување. Како што напомена и министерката, цензурата е феномен кој се коси со демократијата и слободата на говор во која денес како општество уживаме! Слободата на уметникот е неприкосновена и никој не може да ја ограничи.Тоа е став и на Владата. Ви укажуваме и дека во Протоколот потпишан со Република Бугарија не постои дел кој на каков било начин ограничува слобода на уметничко изразување, велат од Влада.
Изјавата на министерката Костадиновска – Стојчевска а потоа и нејзиното дообјаснување е повод за нова ридна на препукувања и обвинувања меѓу опоизицската ВМРО – ДПМНЕ и владеачката СДСМ.
Огнен Чанчаревиќ