Училиштето кое е изградено во 1964 година досега ниту еднаш е е целосно реконструирано.
Сега за првпат по неговата градба ќе биде целосно реконструирано.
Почна проектот за реконструкција на фасада на кумановското училиште „11 Октомври“, информираа денеска надлежните. Реконструкцијата се спроведува со поддршка на Министерството за образование и наука.
– Неодамна потпишавме договор. Очекуваме реконструкцијата да заврши во предвидениот рок од четири месеци. Санацијата е дел од проектот „Изградба и опремување на 145 училишни спортски сали и реконструкција на основни и средни училишта во Република Северна Македонија“ од МОН, изјави директорката на училиштето, Елизабета Костадиновска Костиќ.
Претходно заврши темелната реконструкцијата на училиштето која опфаќаше целосно менување на санитаријата, подовите, холовите, прозорци.