Автобусот со група кој дошол во Истанбул од Македонија во туристичка посета, застанал на улицата Февзипаша откако од возилото се слушнало звуци и превртување на човек.
Откако шоферите провериле што има под автобусот, забележале лице кое се крие во делот помеѓу моторот и менувачот.
Случајот веднаш бил пријавен и на местото на настанот дошле полициски, здравствени и противпожарни екипи.
Човекот по потекло од Алжир не сакал да излезе од местото каде што бил сокриен. По долго убедување, пожарникарите го извлекле лицето и истото веднаш било пренесено во болница.
Алжирецот имал намера преку Македонија да влезе во некоја од членките во Европската Унија, но поради топлината од моторот на автобусот, настанале изгореници на телото кај човекот, кој почнал да вика и да се отпревртува и така бил откриен.