Пуштена е за сообраќај делницата Подмоље-Охрид, со што повторно може да се користи овој дел од влезот во Охрид. Оваа делница беше затворена поради градежни активности за изградба на клучката Охрид, на изградба на бетонски мостови, како и земјени и асфалтерски работи на овој дел од трасата.
Рокот кој го даде ЈПДП за пуштање на делницата беше 10 јули, но таа од вчера може да се користи, и повеќе не мора да се вози по регионалниот пат за влез во Охрид.
Автопатот се гради од 2014, но поради бројни неправилности и нерешени имотно-правни односи, до денес не е завршен. Последната најава од Владата е дека ќе биде завршен до крајот на оваа година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.