Хамас вечерва прифати предлог договор за примирје во војната со Израел. Се однесува на три фази, со цел за траен прекин на огнот, пренесува агенцијата АФП, повикувајќи се на изјава на Халил ал Хаје, висок претставник на палестинската милитантна група.
Секоја од трите фази би траела по 42 дена и вклучува целос но повлекување на Израел од Газа, враќање на раселените лица и размена на заложници кои ги држи Хамас за палестински затвореници во израелските затвори, во насока на траен прекин на огнот, изјави Хаје за Ал Џазира.
Во меѓувреме, како што се прошири веста за примирје, голем број на Палестинци почнаа со славење во делови на Газа, пренесува „Си-Ен-Ен“.
Веста дојде по само неколку часа по израелскиот повик до населението во источниот дел на градот Рафа „под итно да се евакуира“.
Во Рафа се наоѓаат 1,2 милиони палестински бегалци од другите делови на Појасот, а Израел упорно порачуваше дека подготвува напад на градот и покрај противењето на САД, како негов најважен сојузник.