Вести Македонија

Фатен со 28 кози во пикап – уапсен албански државјанин за шверц на ситен добиток од Македонија

Албанската полиција, уапсила 60-годишен жител на селото Белорта, кај Корча, поради шверц на ситен добиток од Северна Македонија.

„Финализирана е шифрираната полициска акција „повторувач“ за сузбивање на недозволената трговија со добиток. Кај селото Звезда во Малиќ уапсен е Д.Џ. (60) со претходно криминално досие од оваа област. Во возило пикап превезувал 28 глави ситен добиток (кози), без соодветната документација, што го прошверцувал од Северна Македонија, со цел да го продаде во Албанија“, стои во полициското соопштение.

Се додава дека врз основа на информациите добиени од полициското разузнавање дека албански државјанин ќе прошверцува ситен добиток од Северна Македонија во Албанија, тој бил следен и запрен на патниот правец Горица-Звезда.

Како материјален доказ добитокот е одземен заедно со возилото, како и одредена сума на пари.

Истрага за вмешаност и на други лица освен на албанска, ќе биде спроведена и на македонска територија, со цел сузбивање на оваа негативна појава, која е зачестена во пограничните појаси долж албанско-македонската граница, поради повисоката цена на добитокот и на месото.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

ВИДЕО: Невреме во Струга

Дејан Дејан

Обид за физички напад врз претседателката на Уставниот Суд

Дејан Дејан

Крени глас: Со позитивна енергија против врсничкото насилство

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе