Руските сили влегоа во предградие на градот Часив Јар во украинската Доњецка република, јави новинската агенција РИА Новости, цитирајќи го советникот на регионалниот шеф поставен од Москва.
Украинската војска, пак, негира дека руски сили влегле во предградие на Часив Јар, наведувајќи дека во областа се водат борби.
„Ситуацијата таму е многу тешка. Борбите продолжуваат, но тие (руски трупи) не се таму“, изјави Андриј Задубињи, портпаролот на командата на истокот на Украина.
Часив Јар е на околу 10 километри западно од Бахмут и служеше како важно место во кое се наоѓаа украински трупи. Градот важи за силно утврден.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.