Полска отповикува 50 амбасадори коишто биле назначени од поранешната десничарска влада. Одлуката е дел од планот на новиот проевропски кабинет за подобрување на дипломатските мисии во време кога, како што велат, се соочуваат со предизвици, особено во надворешната политика.
Според премиерот Доналд Туск, клучно е да се создаде тим од лојални дипломати во период кога соседна Украина се брани од руската инвазија. Туск нагласи дека ова не е одмазда против неговите претходници.
Според некои медиуми, отповикувањето на дипломатите може да не биде одобрено од претседателот Анджеј Дуда кој беше поврзан со поранешната десничарска влада.