Руското министерство за одбрана соопшти дека се урнал воен транспортен авион со 15 луѓе. Инцидентот се случил на редовен лет во рускиот град Иваново на 250 километри од Москва. Според соопштението, моторот се запалил за време на полетувањето. Очевидци тврдат дека авионот почнал да гори додека бил во воздух.
„Околу 13 часот по московско време, за време на полетувањето, се урна воено-транспортниот авион Ил-76 во Иваново. Во него имало осум членови на екипажот и седум патници. Според првите информации, причина за катастрофата е пожар на еден од моторите“, напишаа од Министерството.
Според информациите на руските медиуми загинале 12 лица, но се уште нема официјална потврда за бројот на загинати.