Министерот за здравство Илир Демири ги потпиша препораките од Комисијата за заразни болести (КБЗ) за спречување на ширењето на големата кашлица. Ваквата одлука ќе се применува сметано од 14.03.2024 година.
Со ова, се наложуваат следните мерки за превенција, сузбивање и спречување:
„Се забранува прием и престој во детски градинки на територијата на Република Северна Македонија, на невакцинирани или некомплетно вакцинирани деца со ДиТеПер вакцина согласно возраста во Календарот за имунизација“.
„Се задолжува Државниот санитарен и здравствен инспекторат да спроведува вонреден инспекциски надзор во детските градинки на територијата на Република Северна Македонија и да го контролира спроведувањето на мерката од точка 1, алинеја 1 од оваа одлука“.
Оваа одлука влегува на сила со денот на нејзиното донесување, а ќе се применува сметано од 14.03.2024 година.