Студентите од Битолскиот Универзитет ќе може виртуелно да патуваат со првата купола за виртуелна реалност, која е единствена во регионот. Сепак, оваа најнова опрема инсталирана во Центарот за виртуелно инженерство на Факултетот за информатички и комуникациски технологии, ќе даде нови димензии во наставата и истражувачката работа на УКЛО.
„Ќе се овозможи користење на виртуелната купола на инверзивен и семиинверзивен начин, со што присутните ќе може да потонат во виртуелната реалност и да доживеат ист начин како да биле присутни таму“, изјави деканот на ФИКТ, Благој Ристевски.
Куполата ќе овозможи популаризација на техничките, инженерските, компјутерските науки, а наоѓа примена и во сите области од образованието, обуки, научни истражувања.
„Дефинитивно сакаме да ја пробаме виртуелната реалност да почувствуваме дека сме на друго место, во други држави но и да ги искористиме најновите системи за да направиме интересни содржини“, вели Томислав Анчевски, студент на ФИКТ.
Центарот за виртуелно инженерство на ФИКТ ќе биде отворен за сите заинтересирани- факултети, универзитети, средношколци, компании велат од УКЛО.
„Очекуваме дека студентите но и сите други ќе можат да добијат, поквалитена обука и настава, поблиска до реалност преку користење на технологија во виртуелната реалност“, вели ректорот на УКЛО, Игор Неделковски.
Опремата е набавена преку проект финансиран од Европските фондови. Чини 100.000 евра и покрај куполата како најатрактивна, вклучува повеќе компоненти- компјутери, дронови, сензори.
Емилија Мисирлиевски
View this post on Instagram