Mинистерот за здравство да разговара со семејството и да ги запознае со можните решенија за подмирување на досегашните трошоци за рехабилитација на младиот Леонид Индов.
Ова е заклучок од седмата седница на владата со која се задолжува ресорниот министер од кого се очекува информација за изнајденото конкретно решение. Образложени беа досегашните процедури што се водат пред надлежните институции и се однесуваат на рехабилитацијата на Индов, што се одвива во моментов.
Младиот Леонид Индов моментно е рехабилитација во Виена, каде беше транспортиран со хеликоптер на Министерството за внатрешни работи (МВР).
Леонид Индов минатото лето доживеа тешка несреќа за време на летување во Грција. Момчето ги повреди третиот, четвртиот и петтиот пршлен, дише на респиратор и не може да ги движи екстремитетите. За него во неколку наврати се собираа донации за да може да се извршат потребните операции во Солун, но и за да го продолжи лекувањето.