Лидерот на партијата „За наша Македонија“ (ЗНАМ), Максим Димитриевски вечерва на својот фејсбук-профил објави дека ги има 10.000 потписи колку што се потребни за кандидат за претседател на државата на изборите и им се заблагодари на граѓаните за поддршката.
„Над 10 000 потписи за кандидат за Претседател. Благодарам за поддршката. Продолжуваме заедно до конечна победа! #ЗНАМ #ДвижењеЗНАМ #ЗаНашаМакедонија“, напиша Димитриевски на Фејсбук.
Тој стана трет кандидат кој ги собра потребните потписи, по Бујар Османи од ДУИ и Арбен Таравари од Алијанса. Двајца кандидати, Претседателот Стево Пендаровски и пратеничката од ВМРО-ДПМНЕ Гордана Силјановска Давкова ќе се кандидираат со поддршка од 30 пратеници.
Уште 9 кандидати собираат потписи додека еден се откажа. Најблиску до потребната доза од 10.000 потписи се Билјана Ванковска од Левица и Стевче Јакимовски од ГРОМ.