Големата или меѓу народот позната како магарешка кашлица се шири низ Скопје, каде што денеска се регистрирани 12 нови случаи. Најголем број од случаите се нецелосно вакцинирани.
Според Комисијата за заразни болести, во наредниот период ќе расте бројот на заболени со пертусис и кај повозрасната популација.
Но, тоа не претставува ризик за возрасните бидејќи за нив постои антибиотска терапија. Иако само во Скопје е прогласена епидемија, сепак од страна на Министерството за здравство сите вакцинални пунктови во земјава имаат добиено насоки и наредба пунктовите за вакцинацијата да работат во две смени. Во штипскиот регион не е регистриран ниту еден случај на голема кашлица.
Во штипско-карбинскиот регион имунизацијата на децата против пертусис е над 90 проценти. Ширењето на оваа болест низ помалата популација низ Скопје и неколку градови се зголеми и нивото на свесност кај родителите, но го вклучи и алармот и кај детските градинки.
Вакциналните пунктови во Здравствените домови низ државата се отворени од 7 до 19 часот, со цел да им излезат во пресрет на радителите, а здравствените работници кои ги имаат прочешлано вакциналните картони ги повикуваат родителите да дојдат и нивните деца ги примат вакцините.
Викторија Јованова Димитровска