Во декември и во јануари се фотографирани 170.000 граѓани, рече поранешниот министер за внатрешни работи, Оливер Спасовски во вечерашното издание на „Топ тема“ на ТВ Телма.
„Клучната работа на сите колегиуми и состаноци што биле е да имаме континуитет во испорака на нарачани документи кои што нема да направат застој. И така се одвиваше динамиката – 20.000, па 50.000, па 100.000, па 200.000 што ќе дојдат сега“, истакна Спасовски.
На оние 650.000 граѓани без патни исправи, Спасовски им порача да си поднесат барање.
„Секој еден кој сака да извади документ, ќе поднесе барање. Документите не се издаваат екс официо. Ако Боби Христов не поднесе барање да му се издаде пасош, државата нема да му издаде“, одговори Спасовски.
Проблемот со возачките дозволи е решен, рече Спасовски кој смета дека немало апсолутно никаква потреба од паника и хистерија дека граѓаните ќе се казнуваат.
„Апсолутно не е точно дека имаме неважечки таблички. Сите таблички се важечки. Правилникот се однесува на лепење на НМК налепниците, а не на важноста на регистарските таблички. Правилникот се смени за да се продолжи рокот до 31.12.2024 година.