Белата куќа соопшти дека испратила висок функционер на Советот за национална безбедност на Блискиот Исток за да помогне во преговорите за договор меѓу Израел и Хамас за ослободување на заложниците кои беа грабнати по нападите на 7 октомври.
Портпаролот на Советот за национална безбедност, Џон Кирби, изјави дека координаторот на Советот за национална безбедност за Блискиот Исток, Брет Мекгурк, неделава е во Доха и има „многу сериозни и интензивни дискусии“ за можноста за нов договор.
Повеќе од 100 заложници остануваат во заробеништво на Хамас, меѓу кои и шест Американци.
Хамас соопшти дека нема да ослободи други додека Израел не ја заврши војната.
Меѓувреме Министерството за надворешни работи на Катар објави дека е постигнат договор меѓу Израел и Хамас во соработка со Франција со кој се дозволува во земјата да влезе хуманитарна помош и медикаменти за цивилите во „најранливите области“ на Газа во замена за испорака на лекови до Израелски затвореници во Појасот.