Илјадници воени и полицаиски специјалци упаднаа во неколку затвори во Еквадор во потрага по оружје, муниција и експлозиви и да го вратат редот по една недела инциденти и притворања на повеќе од сто официјални лица, во услови на невидена спирала на насилство во земјата на Андите.
Операцијата доаѓа еден ден откако претседателот Даниел Нобоа и официјалното тело што ги контролира затворите објавија ослободување на речиси 170 затворски службеници и административен персонал, кои шест дена беа држени од затворениците.
Меѓувреме, во Мачала, крајбрежниот град каде еден затворски службеник загина во престрелка меѓу безбедносните сили и затворениците, безбедносен контингент од 800 полицајци и воен персонал влезе со тенкови.
Во Еквадор беше прогласен внатрешен вооружен конфликт со декрет издаден од претседателот Нобоа, во кој тој опиша повеќе од 20 криминални групи кои дејствуваат во земјата како „терористи“.
Бранот на насилство започна пред една недела откако од затворот со висока безбедност во Гвајакил избега водачот на бандата Лос Чонерос, поврзана со мексиканскиот картел Синалоа.