Надвоешен ѕид од средно училиште се урна во романскиот град Одореи Секуеску. Според романските медиуми, објектот бил дел од школскиот интернат во училиштето, а спасувачите веќе неколку часа се на терен, во обид да извлечат затрупани ученици и наставници. Пронајдени се тројца преживеани ученици на возраст од 16 и 17 години. Еден од нив бил во свесна состојба, но другите двајца биле во бесознание, со срцев застој, но по реанимацијата од докторите тие се стабилизирале. Се уште се трага по четири деца, кои се водат за исчезнати.
Претпоставките се дека до уривање дошло откако работници вршеле работи на приклучување на објектот со канализационата мрежа.
Градските власти соопштија дека во училишниот двор се изведувале работи за приклучување на канализационата мрежа, што можеби влијаело на уривањето на објектот.