Почната е постапката за екстрадиција на Љупчо Палевски Палчо, првоосмничениот за грабнувањето и убиството на 14-годишната Вања и 74-годишниот Панче. Од Правда за Телма ја потврдија информацијата и додаваат дека во моментов се прибираат документите од институциите.
Палевски беше фатен во Турција кај градот Беликесир, од страна на турската полиција. Тој од Скопје бил превезен во Белград каде бил оставен во еден хостел, по што на 2-ри декември, друг возач Стефан Димковски го возел Палчо од Белград до граничниот премин со Турција на граничниот премин Капетан Андреево. Вчера и тој беше уапсен од македонската полиција на граничниот премин Дојрани.
Официјално започната е и истрага, а кривичната пријава е напишана на повеќе од 100 страници.
Опфатени се 5 лица, еден за грабнување и убиство, тројца за грабнување и соизвршување на убиство и еден за помагање при грабнување.