Седумдесет и едногодишен маж од Плејнфилд, во американската сојузна држава Илиноис, е обвинет за убиство и злосторство од омраза, откако избодел шестгодишно момче и неговата мајка само затоа што се муслимани. Момчето почина како последица на повредите, додека мајката е тешко повредена.
„Детективите успеаја да утврдат дека двете жртви на бруталниот напад биле мета на осомничениот, затоа што биле муслимани, како и поради актуелниот блискоисточен конфликт меѓу Израел и Хамас“, се наведува во соопштението на канцеларијата на шерифот на округот Вил.
Полицајците на лице место го затекнале 71-годишниот осомничен како седи пред куќата, додека двете жртви биле внатре, со преку 10 убодни рани по телата.