Со двотретинско мнозинство, формирана е Анкетна комисија за скандалот на Онкологија. Власта и опозицијата едногласно одлучија да се бара одговорност од сите што го злоупотребиле белиот мантил и довербата на тешко болните пациенти, независно на која партија и припаѓаат.
Сите 82-ца присутни пратеници го дадоа својот глас за формирање Анкетна комисија која треба да утврди политичка одговорност на владини и здравствени функционери во скандалот со злоупотребата на терапија на Онкологија.
Лекарите – пратеници од сите партии побараа да не се оцрнува целата лекарска фела и целата Клиника за радиотерапија и онкологија. Одговорните треба да се именуваат.
Комисијата ќе брои 13 члена, од кои: 6 предложени од ВМРО ДПМНЕ, 4 од СДСМ, 2 од ДУИ и 1 од Алијанса. Опозицискиот блок на Албанците побара да учествува но беше одбиен заради неорганизираност во пратеничка група.
Соња Николовска