Стотици илјади луѓе имаат потреба од итна помош по разорните поплави во Либија, соопшти Канцеларијата на ОН.
Во апелот се повика на итна помош од 71,4 милиони американски долари „за да се задоволат најитните потреби на 250.000 луѓе од вкупно 884.000 на кои се очекува да им биде потребна помош во следните три месеци“.
Организацијата соопшти дека речиси 900.000 луѓе во пет провинции на Либија „живеат во области директно погодени од невремето и поплавите и страдаат во различен степен“.
Силната бура „Даниел“ во неделата ја погоди Либија, откако претходно го погоди Грција, Бугарија и Турција.
Ѕидовите на две брани во планините над пристанишниот град Дерна се урнаа и однесоа големи делови од него.
Според либиската „Црвена полумесечина“, бројот на загинати во Дерна се искачи на 11.300 луѓе.