Нема официјален бојкот на претседателските избори, но во дел од општините со претежно албанско население, одѕивот на овие избори е 3, па и 4 пати помал отколку за парламентарните.
Примерот со Липково го покажува тоа. До 13 часот, за претседател гласале 3,28 одсто од запишаните избирачи, а за пратеници тој процент е 17,07.
Во Боговиње, соодносот е 1 спрема 3. 5,17 одсто на претседателските избори, а 15,24 на парламентарните избори.
Слична е состојбата во Желино. 6,79 за претседател, 15,18 за пратеничките листи.
Во скопската општина Чаир, разликата е помала, но останува видлива. 12,94 одсто гласале за претседател, а 20,76 за избор на пратеници.
За разлика од неа, во скопската општина Центар речиси сите што гласале до 13 часот зеле две гласачки ливчиња и гласале на двојните избори. Или: 32,44 одсто за претседателските, 32,92 одсто за парламентарните избори.
Најмала е излезноста во Липково, а најголема во Крива Паланка со 46,44 одсто.
Групните информации покажуваат дека одзивот во однос на првиот круг е помал само за 0.7 одсто, а поголем од вториот круг на претходните избори во 2019-та, кога гласале 3,49 одсто помалку избирачи.
Додека вкупната излезност за претседателските избори е 23,95 одсто, за парламентарните избори е речиси 26 одсто од обработени 2472 избирачки места. Најмала е во Маврово и Ростуше со 11,91 одсто а најголема во Кривогаштани со 48,65 одсто. Споредено со минатите избори од 2020-та, излезноста е поголема за 2,03 одсто.
Соња Николовска