По сторијата на Телма објавена вчера,за деветгодишното момче кое е сместено во мал групен дом во Скопје, навлечено на питачење и лошо поведение со соучениците побаравме одговори од надлежните. Од Центарот за социјални работи Кочани тврдат дека детето ги има сите неопходни услови за живот и се преземени сите мерки за заштита согласно неговата возраст. За проблемите на детето во Скопје, неговите старатели доделни од државата и да не чуле во Кочани. Во досието за него, нема црни дамки.
„Образовната институција го следи неговиот образовен процес и досега центарот нема информации дека има потреба од промена на училиштето. Малолетното дете, согласно протоколите, стандардите и процедурата за работа како и Законот за семејството е ставен под старателство непосредно на ЈУМ ЦСР Кочани преку вработено службено лице кое ги врши работите на старателството што лицето, семејството или установата не ги врши во рамките на својата редовна дејност“, соопштуваат од Центар за социјални работи Кочани.
Тој живее во скопската населба Влае и откако се соочи со проблеми во дисциплината најверојатно ќе му биде променето училиштето. Сто километри од неговиот роден град и привремените старатели тој има модерен дом мал згриживачи дом. Директорката на Јавната установа за згрижување на деца со воспитно социјални проблеми и нарушено поведение вели дека детето е прописно згрижено со сите неопходни услови. А ,токму таа ги посочи и аномалиите со кои се соочува при грижата. Признава дека детето не оди на училиште редовно, но за подобрување на лошото поведение според неа било потребно повеќе време, комуникација со старателот од Кочани, без кој пак не може да интервенира полицијата доколку има проблеми со момчето.
Во Скопје има околу десетина мали групни домови кои се формирани во 2018 година, кога е одлучено да се затворат големите домови за деца без родители. Идејата е да им се овозможат подобри услови и грижа, но ваквите и слични случаи, за кои реагира и народниот правобранител, покажуваат дека целта не е постигната.
Тамара Марковска