Војната во Украина е пример дека мора навреме да се решаваат билатералните прашања. Конфликтот што трае веќе втора година и не се знае кога може да заврши, направи “текстонски” поместувања во цела Европа па и светот. Вака оценија професори и експерти учесници на Меѓународната научна конференција што ја организираа Филозофскиот факултет и Институтот за безбедност, одбрана и мир.
Во периодот кој следува ќе имаме безбедносно-невралгичен период, политички ризичен, посебно за Западен Балкан поради отворените прашања, смета проф. Д-р Марјан Ѓуровски-Институт за безбедност, одбрана и мир
И белградскиот професор Ѓукановиќ вели дека приоритет на државите треба да им бидат постигнување договори за отворените проблеми со земјите од соседството, а такви во Западен Балкан и а неколку.
Мислам дека е многу битно да дојде до решавање на некои многу чувствителни прашања, каков што е договорот помеѓу Белград и Приштина, уставните промени во Македонија, со што ќе се релаксираат односите со соседна Бугарија и ќе се зацврсне концептот на европските интеграции, вели Проф. Д-р Драган Ѓулановиќ од Белград.
На Конференцијата што се одржа во Дојран учествуваа осумдесетина професори и научници од Европа но и од светот. Разговараа за предизвиците на војната, климатските промени, економските случувања и нивното влијание врз безбедноста, но и врз развојот на општествата.
Сузана Мицева