Антон Јелизаров, познат по прекарот Лотус, е избран за нов водач на руската паравоена формација „Вагнер“ по смртта на основач и лидер на таа група, Евгениј Пригожин.
Како што пренесува британски „Експрес“, новиот газда на „Вагнер“ учествувал во некои од најжестоките битки во војната во Украина и одиграл водечка улога во освојувањето на градот Соледар во источна Украина.
„Експрес“ наведува дека во рамки на групата „Вагнер“, Јелизаров е познат како „освојувачот на Соледар“, прекар што наводно му го дал Пригожин.
Британскиот весник наведува и дека бил близок со Пригожин, кој неодамна загина во авионска несреќа во близина на Москва.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.