Русија и Кина ќе се обидат да обезбедат поголемо политичко и економско влијание во земјите во развој за време на Самитот на држави членки на БРИКС од 22 до 24 август во Јоханесбург. Лидерите на Бразил, Русија, Индија, Кина и Јужна Африка ќе одржат многубројни средби и состаноци во наредните три дена. Самото присуство на кинескиот претседател Си Џинпинг го нагласува дипломатскиот капитал што го вложува неговата земја во организација во изминатите десетина години.
Неговиот претседател Владимир Путин, пак, ќе учествува на самитот преку видео врска. Иако најавуваше дека ќе патува во Јужна Африка, сепак, ја промени одлуката по налогот за негово апсење што го издаде Меѓународниот кривичен суд за воени злосторства во Хаг. Русија на самитот ќе биде претставена од шефот на дипломатијата, Сергеј Лавров.
Посебна тема на состаноците на самитот на БРИКС ќе биде проширувањето на организацијата. Саудиска Арабија е една од 20-те држави кои формално аплицираа за членство во блокот. Нови членови, покрај Саудијците, може да станат Египет, Аргентина, Алжир, Иран, Индонезија, Обединетите Арапски Емирати, Боливија, Етиопија…
Тие земји го гледаат БРИКС како алтернатива за глобалните организации за кои сметаат дека се контролирани од Западот… И се надеваат дека членството ќе им донесе бенефиции како инвестии и раст на трговијата.