Со реформите во здравствениот систем, од сега матичните лекари ќе препишуваат лекови за хроничните болни, наместо како до сега специјалистите. Оваа промена на доближување на здравствените услуги до граѓаните е особено поволна за оние од внатрешноста зашто нема да мораат да губат и време и средства за да ја добијат конзилијарната терапија , која до сега одеше преку терциерното, а сега ќе биде преку примарното здравство.
- Нема потреба од непотребни закажувања кај специјалист кога треба да ви се препише само терапија или да се направи одредена дијагностичка процедура. Согласно протоколите, променет е режимот на препишување лекови . Сега ќе се препишуваат повеќе лекови за контрола на крвниот притисок, за контрола на мастите кај дијабетичарите, за контрола на Асма и Хоп, за контрола на Хипотероидизмот. Матичните лекари имаат поголеми ингеренции за дијагностика. Може да препишуваат упати за лабораторија, со цел да го следат пациентот. И можат да ги препишуваат лековите со исти компетенции, како што до сега правеа лекарите специјалисти, изјави д-р Злате Мехмедовиќ- Координатор на реформите во примарното здравство.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.