Руското Министерство за одбрана соопшти дека успешно се уништени два брода без екипаж со кои вооружените сили на Украина се обиделе да ја нападнат поморската база во Новоросијск.
Гувернерот на Краснодарската област Венјамин Кондратиев изјави дека нема жртви или материјална штета.
Претходно, итната служба на Новоросијск посочи дека добиле информации за експлозии во водите на Новоросијск и селото Мишако.
Каспискиот нафтоводен конзорциум соопшти дека продолжува нормално да испорачува нафта на терминалот во близина на Новоросијск и дека нема оштетувања на инфраструктурата. како што посочуваат, движењето на пловните објекти во пристаништето Новоросијск е привремено забрането. Новоросијск е едно од најголемите пристаништа на Црното Море.