Поранешниот американски претседател и главен фаворит за номинација на Републиканската партија за претседателските избори следната година се соочи со најсериозното обвинение досега – за заговор против Соединетите Американски Држави.
Специјалниот обвинител Џек Смит поднесе ново второ федерално обвинение како дел од истрагата за неговите напори да ги поништи резултатите од претседателските избори во 2020 година, кои доведоа до упадот на Капитол на 6 јануари 2021 година.
Доколку биде прогласен за виновен за барем една од неколкуте точки од обвинението, му се заканува неколкугодишна затворска казна.
Трамп, кој денеска беше повикан да се појави пред федералниот суд во Вашингтон, ги негира обвинувањата и целиот случај на социјалните мрежи го нарече „смешен“.
Новото обвинение не го спречува да продолжи со кампањата за претседателската трка следната година.