Британското министерство за одбрана оценува дека билките кои пораснаа на бојното поле се, веројатно, еден од факторите за бавниот напредок на украинската контраофанзива.
„Претежно обработливото земјиште во зоните на борбени дејства, оставено на угар веќе 18 месеци, а повторното растење на плевел, трње и грмушки е забрзано во топлите и влажни летни услови“, се наведува во соопштението.
Тоа е, како што се наведува, еден од факторите кој придонесува за генерално бавниот напредок во борбите во јужна Украина.
Истовремето, таа зелена прекривка помага во камуфлирање на руските одбранбени позиции и го отежнува чистењето на минските полиња, пишува во соопштението на британското Министерство за одбрана.
„Њујорк тајмс“, пак, во големата анализа за ситуацијата на фронтот, дава поинакво објаснување за украинската контраофанзива која е побавна од очекуваното.
Весникот наведува дека првите неколку недели од долгоочекуваната контраофанзива не биле добри по украинските сили што беа обучувани и вооружувани од САД и нивните сојузници. Иако опремени со напредно оружје и најавувани како авангарда на големиот напад, единиците се заглавија во густите руски мински полиња под постојан оган на хеликоптери и артилерија.