Република Кипар ќе ги покрие трошоците за пошумување на областите погодени од пожарите на Родос, соопшти денеска кипарскиот претседател Никос Христодулидис по средбата со грчкиот премиер Кирјакос Мицотакис, јави дописничката на МИА од Атина.
Христодулидис објасни дека конкретната иницијатива ја покренува земјата поради посебните врски со Родос, но и „поради големиот интерес и од кипарските граѓани и од кипарските бизниси кои сакаат да се вклучат во овој напор“.
Грчкиот премиер денеска е во еднодневна официјална посета на Кипар, а со кипарскиот претседател разговарале за низа теми, пред сѐ за кипарското прашање, но и за односите со Турција, енергетиката, мигрантското прашање итн.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.