Два коња починале вчера попладне во скопската Зоолошка градина. Првичните сознанија упатуваат дека тие биле отруени. За смртта на животните е известена и полицијата.
„Вработен во Зоолошката градина во Скопје на 29.07.2023 во 15:40 часот пријавил во СВР Скопје дека угинале два коња за кои се сомневал дека биле отруени. Се работи на расчистување на случајот”, велат од МВР.
Ова е втор случај на угинување на жители на Зоолошката градина во Скопје по смртта на жирафата Каспер во мај. Патохистолошката анализа на Факултетот за ветеринарна медицина подоцна покажа дека смртта настапила како последица на инфекцијата салмонела која била пронајдена во желудникот на жирафата, црниот дроб, слезината и цревата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.