Во владејчаката партија СДСМ е отпочнат процес на идеолошко раслојување и се видливи две струи околу нивниот коалициски партнер ДИУ, едната која ги поддржува политички, и другата која е против. Па, Бујар Османи оттаму треба да почне да ги бара одговорите како е нападната партијата и лидерот преку некаков хибриден сојуз, тврди поранешниот министер и аналитичар Џевдет Хајредини, коментирајќи ги изјавите на потпретседателот на на ДУИ Бујар ОСмани дека со напад на раководството некој сака да ѝ наштети на етничката рамноправност во државата.
Хајредини остро ги отфрла ваквите тези на ДУИ дека тие се репрезенти и заштитници на албанскиот народ, а одговорност побара и од двете наизменично владејачки партии кои секогаш го штитат ДУИ за преку него да се пресметуваат со политичките и идеолошки неистомисленици меѓу Албанците.
Од друга страна, пак, ДУИ секогаш кога е соочена со криминал и корупција се повикува на етничка карта. Па, наместо да се бараат непријатели на ДУИ и Ахмети, треба да се бара одговорност за што сигнали испратија и меѓународните фактори и партнери, потенцира Хајредини.
Сепак, во јавноста остана недообјаснето каков хибирден сојуз е формиран против ДУИ, иако Османи посочи дека тоа се однесува на фактори од земјава избегнувајќи да ги потенцира црната листа на Рамиз Мерко од САД, финансиските инвестици на синот и внукот на лидерот на ДУИ, Ахмети и десетиците иницијативи поведени од ДКСК против функционери на ДУИ за кои што засега нема конкретни дејствија од надлежните истражни органи.
Но, најсилните прозивки за криминал и корупција кон ДУИ доаѓаат од доскорешните нивни партиски функционери кои се одлеаа во опозицијата на албанкиот политички блок.
Павле Беловски