Додека обвинителството истражува кој е мотивот и кој го подметна пожарот во автомобилот кој го користи првиот вицепремиер и министер за политички систем и односи меѓу заедниците и Кооринатор на проектот за Коридорите 8 и 10д, Артан Груби, јавноста чека одговори дали зад инцидентот се крие поголем скандал и корупција. Зошто соседот на Груби одлучил да му го отстапи луксузното „Ауди“ вредно десетици илјади евра на користење и тоа подолг временски период е едно од прашањата кое сеуште останува неодговорено.
Владата, за која нема ништо спорно што нејзин член приватно користел туѓо возило, повика Обвинителството и полицијата итно да го расчистат случајот. Антикорупциската комисија не беше спомената во владиното соопштение.
Вицепремиерот Битиќи вели дека нема став околу овој случај и дека со се што располага е наведено во анкетниот лист.
Првиот вицепремиер, министер за политички систем и односи меѓу заедниците и Координатор на проектот за Коридорите 8 и 10д, засега нема даде кокретен одговор или информација, а во едниственото обраќање до јавноста преку пост на социјалната мрежа „Фејсбук“ ниту потврди, ниту демантираше дека го користи возилото и соопшти дека е на негов пријател.
Од полицијата соопштија дека автомобилот е регистриан на име на 35-годишен скопјанец со иницијали Б.Л.. Неофицијално станува збор за Беким Лимани, ко-сопственик на фирмата „Еуро Ком Лајтнинг“. Оваа фирма стана позната во јавноста откако минатата година за сума од 55 илјади евра стана сопственик на руиниран хотел на „Гранит“ на Попова Шапка, а „Гранит“ пак извесно време подоцна доби милионски тендер за автопатот до Блаце.
Опозициската ВМРО-ДПМНЕ и денеска побара покрај истрагата која се води околу самиот инцедент, да се отвори истрага и за евентуално постоење на скриен имот кај Груби.
Претседателката на Антикорупциската комисија порача дека ваквите случаи ја истакнуваат потребата од носење на зкаон за потекло на имот кој ќе им даде можност и надлежност на истражните органи да детално и далеку послено да испитуваат дали функционерите кријат имот или средства кај трети лица.
Огнен Чанчаревиќ