Да се престане со манипулации со референдум, предупредуваат граѓанските активисти, по денешната изјава на вицепремиерот Битиќи во која вели дека ќе се организира референдум за изјаснување на граѓаните од струмичко. Пред точно шест години референдум се одржаа во пет општини во Југоистокот, вклучително и директно засегнатите, Ново Село и Босилово, каде поради голема иселеност на граѓаните, но и евидентните политички притисоци, немаше доволна излезност на. Во Валандово, Дојран и Гевгелија локалните референдуми беа успешни, но Уставен суд ги укина одлуките, со објаснување дека за вакви прашања не може да се одлучува на локално ниво.
Вицепремиерот Битиќи денеска рече дека, сепак, имало дискусија за време на седницата на која се донесе одлука за спојување на концесиите, а на утрешната седница се очекува да се образожи целата досегашна постапка поврзана со рудникот кај Иловица и Штука.
Активистите од струмичко најавуваат и многу порадикално организирање доколку Владата не ја укине одлуката за спојување на двете концесии на Еуромакс, од кои едната е укината пред околу четири години.
Сузана Мицева