Две лица од Белгород ги загубија животите, додека едно лице е повредено на Кримскиот мост утрово што беше причина за прекин на сообраќајот поради оштетување на патот, пренесе руската новинска агенција РИА, повикувајќи се на Министерството за здравство на регионот Краснодар. Според гувернерот на Белгород, Вјачеслав Гладков, станува збор за семејство со малолетно дете кое се здобило со повреди од средна тежина.
Рускиот независен онлајн дневник Инсајдер објави снимка од штетата што беше причинета утрово на Кримскиот мост. Британски „Гардијан“ пренесува дека дел од мостот, наменет за патнички сообрачај, исчезна и делува како да пропаднал во вода. Се наведува дека видеото е снимено од воз во движење по соседниот железнички мост кој не е оштетен.
Video from the Crimean Bridge. #Crimea #CrimeaBridge #RussiaUkraineWar pic.twitter.com/poREYgKZcr
— Natalka (@NatalkaKyiv) July 17, 2023
Гувернерот на Крим, Сергеј Аксјонов не кажа за како инцидент станува збор, но потврди за оштетувањето.
„Безбедносните служби и агенции се излезени на терен. Разговарав со министерот за сообраќај на Русија, Виталиј Савељев и се преземаат мерки за решавање ан ситуацијата“, изјави Аксјонов, пренесува „Си-Ен-Ен“.
Според „Греј зоне“, про-Вагнер канал на Телеграм, наводно биле извршени два удара на Кримскиот мост околу 3 часот утрово по локално време, оштетувајќи ја дел од структурата.
Reports out of Crimea of a successful strike on Kerch bridge resulting in a span collapse pic.twitter.com/6Z3vEX4mJv
— Dmitri Alperovitch (@DAlperovitch) July 17, 2023
Експлозиите се слушнале околу 3:04 часот и околу 3:20 часот утрово, информација која беше споделена на „Греј зоне“ и „ТалипоВ онлајн З“. Таквите извештаи не можеше да ги потврди „Си-Ен-Ен“.
#Russians publish more #photos from the #Crimeanbridge#Crime #UkraineWar #BreakingNews #Crimea #Kerch #KerchBridge #UkraineRussiaWar️ #graindeal pic.twitter.com/9XdOrq7ZQK
— ShamS (@sham_syrianews) July 17, 2023
Украина сè уште е без коментар за инцидентот. Претседателот Володимир Зеленски долго време говореше дека враќање на Крим е украинска цел, но ретко досега ги коментираше инцидентите на полуостровот.
Инцидентот на Кримскиот мост би можел да биде чин на провокација од Москва, изјави Наталија Хумењук, портпаролка на украинската Јужна воена команда, пренесува „Ројтерс“.