Премиерот на Косово, Албин Курти не го интересира мирот, дури не го интересира што мислат Соединетите Американски Држави за него, сака да биде тој што влегува во конфликтот со Србија бидејќи тоа му недостига во биографијата, да биде некој што може да каже: „Еве ме, јас сум воен водач“, а не само Хашим Тачи, вели српскиот претседател Александар Вучиќ.
Според него најпредизвикувачки е да се работи со поединци кои не се однесуваат рационално и имаат цели кои ги надминуваат вообичаените и препознатливите.
Министерот за внатрешни работи на Косово, Џелал Свечља пак денеска изјави дека српскиот претседател Александар Вучиќ ја губи битката на теренот во однос на премиерот Албин Курти, поради што се враќа на хибридната војна преку која, како што наведе, се обидува да поттикне немири во Косово.