Израелскиот премиер Бенјамин Нетанјаху итно пренесен во болница, но во „добра состојба“, соопшти неговиот кабинет.
Од канцеларијата на израелскиот лидер соопштија дека тој се лекува во израелската болница Шеба, во близина на крајбрежниот град Тел Авив, но не даде повеќе детали.
Нетанјаху (73) е лидер со најдолг стаж во Израел.
Тој има отслужено повеќе мандати во временски период од над 15 години на функцијата.
Неговата сегашна екстремно десничарска влада, составена од верски и ултранационалистички партии, ја презеде функцијата минатиот декември.