Американскиот претседател Џо Бајден го овласти Пентагон да испрати до 3.000 американски резервисти во Европа, објави Белата куќа. Одлуката доаѓа по европската турнеја на Бајден за време на која ги посети Велика Британија и Финска и учествуваше на Самитот на НАТО во Вилнус.
Бајден на состанокот со челниците на скандинавските земји во Хелсинки изјави дека НАТО никогаш не бил посилен. Тој даде поддршка на нордиските држави за да ја истакне сè поголемата моќ и влијание на Алијансата против растечките закани од Русија.