Министерот Османи се огради од сопартиецот на американската црна листа: ни го гласал, ниту живее во Струга, па оттаму смета дека и не треба да дава свое мислење. Оставка на Мерко нема да му побараат ниту од партијата, оставаат сам да одлучи дали ќе си замине од градоначалничката фотеља.
На струшкиот градоначалник му се замрзнати сите партиски функции, а беше побарана и сеопфатна домашна и меѓунардна истрага.
Слична е и реакцијата и на премиерот: не бара оставка од Мерко, туку проверка на наодите од страна на институциите. На негово место, вели, тој самиот би поднел оставка.Единствено коалициониот партнер во власта, Таравари побара оставка веднаш, барем од морални причини.
Комисијата во Јавното обвинителство што врши вонреден надзор на шесте спорни предмети, го заврши увидот, но уште анализира зошто никогаш не стигнале до судница. Се проверува каде затаиле обвинителите, зошто бирото за вештачење е три години без наод, како се легализирани универзитетските згради по багателна цена?
Некои дела на Мерко за кои има истраги се направени во периодот пред 2013-та година, но поради големи кочници во надлежните истражни органи никако да се приведат до крај.
Далиборка Демјанска Цветановска