Поради интереси на поединци ССМ изминатиот месец е целосно блокиран а вработените во сојузот веќе втор месец нема да земат плата, рече претседателот на Сојузот на синдикати на Македонија, Слободан Трендафилов.
Досега, тоа што се покажа е дека поединци имале некаков интерес да направат некаква штета на ССМ, меѓутоа тоа што радува е тоа што единството на членовите на органите и телата, единството на членовите на органите и телата на синдикатите здружени во ССМ и на работниците е на највисоко ниво и солидарноста во овој момент преовладува, рече Трендафилов.
Информираше дека ќе испратат барање до Министерството за труд и социјална политика веднаш да се почитува волјата и желбата на Конгресот како највисоко орган на ССМ. Сојузот е институција која постои од 1946 година, и никој не смее да се дрзне да го блокира, категоричен беше Трендафиловски.
Ние во ССМ изминатиот период ги спроведувавме сите процедури согласно нашите акти и статут, и на тој начин ја откочивме целокупната работа и целокупниот процес се со цел да можеме да организираме непречено и ССМ да може непречено да ги обавува функциите. Но ќе кажам дека поединци се обидуваат преку разни начини да прават притисок да не се случи апсолутно ништо во ССМ, се во интерес на поединци да ја искористат ситуациајта во која ние се најдовме како институција. ССМ најтешките моменти ги препроби стоејки и продолжуваме понатаму да ги браниме работничките права, рече Трендафилов.