Едно лице загина, а неколку други се повредени откако во Стокхолм во забавниот парк „Грона Лунд“ излетаа вагони со патници од ролеркостер.
Претставници на паркот објаснуваат дека еден од вагоните на тобоганот Џетлајн излетал од шините и удрил директно во земја.
Maybe accident in #grönalund #tivoli #Stockholm pic.twitter.com/ILyry41VAL
— 🎙📻🎛☮️✌️🌳✨ (@functionist) June 25, 2023
Полицијата соопшти дека седум лица, деца и возрасни, се хоспитализирани по несреќата.
Забавниот парк е евакуиран за да се олесни работата на спасувачките екипи.
Новинарката, Џени Лагерштет, која стоела во ред за уште едно возење, изјавила дека вагонот паднал од голема височина заедно со патници кои во моментот биле на „лудата железница“.
Ролеркостерот „Џетлајн“ со челична патека достигнува брзина до 90 километри на час и висина од 30 метри, превезувајќи повеќе од еден милион посетители секоја година, се вели на страната на забавниот парк.
