Иако пред 16 години затропа на портите на Киев, војската на Путин вчера беше приморана да застане во одбрана пред Москва од платеникот Пригожин, кој Путин сам го создаде. Бунтот на приватната „Вагнер е директен предизвик за авторитетот на Путин“, вели американскиот државен секретар Ентони Блинкен во изјава за Си – Би – Ес.
Според Блинкен, одлуката на Путин да ја нападне Украина создаде хаос во неговата земја, а бунтот покренува длабоки прашања, покажува вистински пукнатини, слабости во редовите на раководството на Русија, вели Блинкен и наведува дека е премногу рано да се каже каква иднина ќе имаат платениците кои се побунија.
Актуелната криза во Русија започна во петокот, откако шефот на групата Вагнер, Евгениј Пригожин, некогаш близок доверник на Путин, ги обвини руските сили дека ги гаѓаат војниците на Вагнер во ракетни напади. Пригожин се закани дека ќе предводи „марш на правдата“, а неговите сили ја презедоа контролата врз Ростов-на-Дон, град во близина на украинската граница. Бунтот заврши пред да заврши викендот, откако Пригожин склучи договор со кој требаше да ја напушти Русија за Белорусија, додека Москва вети дека ќе ја отповика кривичната пријава против него. Во неделата, трупите на Вагнер почнаа да се повлекуваат од јужниот руски регион Воронеж.